PAORTERS LEED
PAORTERS LEED
Refrein
Weej zien van Boëte de Paort,
det gelök is ós gegaeve.
Weej zien van Boëte de Paort
en dao zitte weej alzelaeve.
Weej make Boëte de Paort,
waat zeej nörges anders kinne.
Dus kóm maar Boëte de Paort, och jóng,
dan bisse binne.
Koeplet
Ein stökske Venlo kinne weej,
wao ’t good is um te zien.
’t Päörtje door en hoepsekeej,
vergaete alle pien.
Weej weite wie det kan,
weej kómme d’r vandan.
Koeplet
Wao kriège zeej ein verkesblaos,
as d’r gen slachhoès waas.
En boerebroèlof-boeremoos,
as d’r gen veiling waas.
Dan waas d’r gen plezeer,
dao kump ’t toch op neer.
Koeplet
Weej hebbe maar ein meugelikheid ,
det is daen eine waeg.
Det dae noow net nao Tegele geit,
det zit ós in de waeg.
Maar wetse waat ’t is,
weej bliève optimis.
Zang: Binne en Boëte de Paort minse
Wäörd: Ad Pollux
Mezièk: Frans Wetjens
Jaor: 1973
